झुम्रा नाच नैजैहो अंधरियम गोरी

झुम्रा नाच नैजैहो अंधरियम गोरी

भिडियो एकठो थारु घर अंगना से सुरु हुइट् अंगना मे खटिया, गगरि, भोकरि, हेल्का डिल्या ओ छंपरम घाँस कट्ना खैंचा बिल्गाइट् । चार पाँच ठो थारु बठिनियन बैठल कुछ हरचाली करट् डेकाइट् । लागट् जरुर कुछ हलचल हुइना बा । 

आप फुन्ना लागल मंडरा बले लागट ओ हेहलैलक् आइ लागट् झल मजिरा छनघन छनघन बोले लागट् बरे भारि अँगना चारुओर हजरौ के भिर डेखा परट् ओहे अँगनक् बिचमे मडरिया फुन्ना लागल मंडरा बोजाइट् ओ नचुया लहँगा मे मीनमिन मिनमिन घुमट् डेखाइट् । 

आप गित सुरुहुइट गरमि ओ बरखा मे धानी साँपनसे रहि सवधानी... । गितमे साँप गोजर से बचकलाग सवधानि अपनैना विभिन्न मेरिक उपाइ बटागैल बा मुस डुकरिक बिला बुज्ना, घर गोबरैना खेटिपाटि करेबर होसयार हुइना, राटबिराट नेगेबर ओजरार लेके नेग्ना, सुटेबर झुल टाँगके सुट्ना, घर अँगना घोट्टैल बनैना । 

साँप गोजर कट्लेसे हलि एम्बुलेन्स बलाके अस्पटाल लैजैना मजासे नैचोखाइट् सक घरे नै अइना गितके सन्डेस बा । अस्टके भिडियो मे फेन बर्खा परल ओ बियार काटट् मेर्वा बाँधट् किल्वाहि लगाइट् ओ घरक जन्निनहे माटि खेलाइट् घर पोटट् निंपट् डेखाइट् एक ओर नाच करट् डेखाइट् । भिडियो मु्ख्य कलाकार राज कुश्मी अन्जु कुश्मि कलेसे विभिन्न कलकार ओइनके अनुहार फेन डेखेमिलट् । राज कुश्मिके डमडार मिठ अवाज ओ अनु चौधरी रसगर मिठास आवाज चम्पन गित सुने मिलट् । एक ओर फुन्ना गहनाले संपरल गाउँक नचुनियनके पुट्ठा डुम्कैलक नाच राज कुश्मिके भेगुवा लगाके उलर उलर मनडरा बोजैलक ओ अन्जु कुश्मिके लहँगा फरियम पुट्ठा डुम्कैलक् चम्पन चैनार नाच हेरेमिलट् । 

खास कैके हर साल साँपनके कटाइसे धेर जहनके ज्युज्यान  जैनक् मारे इ गितमे होसियारि हुइपर्ना सन्देस बा। 

---------------------------------------------------------------

भिडियो एकठो थारु घर अंगना से सुरु हुइट् अंगना मे खटिया, गगरि, भोकरि, हेल्का डिल्या ओ छंपरम घाँस कट्ना खैंचा बिल्गाइट् । चार पाँच ठो थारु बठिनियन बैठल कुछ हरचाली करट् डेकाइट् । लागट् जरुर कुछ हलचल हुइना बा । 

आप फुन्ना लागल मंडरा बले लागट ओ हेहलैलक् आइ लागट् झल मजिरा छनघन छनघन बोले लागट् बरे भारि अँगना चारुओर हजरौ के भिर डेखा परट् ओहे अँगनक् बिचमे मडरिया फुन्ना लागल मंडरा बोजाइट् ओ नचुया लहँगा मे मीनमिन मिनमिन घुमट् डेखाइट् । 

आप गित सुरुहुइट गरमि ओ बरखा मे धानी साँपनसे रहि सवधानी... । गितमे साँप गोजर से बचकलाग सवधानि अपनैना विभिन्न मेरिक उपाइ बटागैल बा मुस डुकरिक बिला बुज्ना, घर गोबरैना खेटिपाटि करेबर होसयार हुइना, राटबिराट नेगेबर ओजरार लेके नेग्ना, सुटेबर झुल टाँगके सुट्ना, घर अँगना घोट्टैल बनैना । 

साँप गोजर कट्लेसे हलि एम्बुलेन्स बलाके अस्पटाल लैजैना मजासे नैचोखाइट् सक घरे नै अइना गितके सन्डेस बा । अस्टके भिडियो मे फेन बर्खा परल ओ बियार काटट् मेर्वा बाँधट् किल्वाहि लगाइट् ओ घरक जन्निनहे माटि खेलाइट् घर पोटट् निंपट् डेखाइट् एक ओर नाच करट् डेखाइट् । भिडियो मु्ख्य कलाकार राज कुश्मी अन्जु कुश्मि कलेसे विभिन्न कलकार ओइनके अनुहार फेन डेखेमिलट् । राज कुश्मिके डमडार मिठ अवाज ओ अनु चौधरी रसगर मिठास आवाज चम्पन गित सुने मिलट् । एक ओर फुन्ना गहनाले संपरल गाउँक नचुनियनके पुट्ठा डुम्कैलक नाच राज कुश्मिके भेगुवा लगाके उलर उलर मनडरा बोजैलक ओ अन्जु कुश्मिके लहँगा फरियम पुट्ठा डुम्कैलक् चम्पन चैनार नाच हेरेमिलट् । 

खास कैके हर साल साँपनके कटाइसे धेर जहनके ज्युज्यान  जैनक् मारे इ गितमे होसियारि हुइपर्ना सन्देस बा। 

लिंक: https://youtu.be/RMcEGdYXbhA?si=Q-OQcPXWSxtbEtIM

गित भिडियो सक्कु सुनके हेर्के साँपनसे बचि ओ बचाइ । इ झुमरा गित ओ नाच मजा बा एक चो नाही बार बार हेरि । धन्यवाद!