कब मैयाँ लागि साली || Kab maiya lage sali

सुन्दर गाउँ चारुओर हरियर बनुवा एक पाँजर परवटुवा उहे परबटुवक् उप्परओर बरे सुहावन बद्रि बिल्गाइट् । बद्रिक कोनिकप्चा ओरसे ठोर ठोर ओजरार केरनि छिरट् डेखाइट् ।

 

गाउँ बरे सुहाउन बिल्गाइट् घर फेन काइल लाल गज्जर टमाम मेरिक बिल्गाइट् । उहे गाउँक् गल्लिम एक बगाल नाच करुइया बिल्गैठैं । लहँगा फरियम नचुन्या संगे मडरिया सक्कुजे नाच करटि नेगल रठैं । कोइ लहँगा घल्ले रहट् टे कोइ उज्जर गोन्या चौबन्डि कुर्टा चोलिया म घेचम सुत्या माला गुरिया घालल् बरे सुहाउनसे नाच कर्ठैं । 

गित नाच मघौटा रहट् सजे पट्नि पाँके रठैं कोइ गलरट् टे कोइ टालि जाइट् । एकठो थारु घर रलक् मारे थारुनके बेल्सना चिज हेल्का डिल्या छट्रि हर जुवा । अस्टके कोइ मघौटा जाँर छाबठैं टे कोइ ढिकरि पारठैं कोइ डारु चुहैठैं । 

बाट हो भैइगैल भुवर बिहान मघौटा नाचक् भिडयो के । इ भिडियो मा ढिकरि बनाइक लाग चौरक् पिठा सानट् पारट् ओ उहजैना टरिका बरे मजासे हेरे मिलट् । बहुट जहन पटा नै रठिन थारुनके खानपिन बनैना टरिका इ भिडयो मे ढिकरि उहजैना पैन पानी ढिकैना बट्ला आगि सुगैना चुल्हा से लेके बान्सा कारना भिट्टर कोन्टिम बेल्सना डोक्नि मसला ढरना छिट्वा ढकिया चट्नि टिना खैना डोनिक झिंरा हेरे मिलट् ।

गोंडरि बिछाइल रहट् एक ओर नाच करठैं टे कोइ डोस्टि डोनियामे जाँर सुर्कठैं ओ सुरिक सिकार ढिकरिखैठैं । इ भिडियो म रुपया लुटाइट् फेन हेरे मिलट् । मैयाँ पिरेम से बाझल इ भिडियो मे अपन मनै से सिँगार लेहगा चोलिया गोनिया टिकुलि चुरिया कजरा जसिन चिज बजारसे लानडेहो  कना बाट बेल्सल पाजाइट । इ भिडयो मे मघौटा नाच कर्ना टरिका ओ बिडालेहट समके सक्कु चिज हेरे ओ सुने मिलट् । 

गिटमे स्वर डेले बटै राज कुसुम्या, गणेश चौधरी, बिना चौधरी ओ सरु चौधरी । अस्टके लय/शब्द/संगित फेन राज कुसुम्याके बटिन । 

भिडियो मजा बा जरुर हेरडेबि । भिडियो के लिंक टरे डेगैलबा । धन्यवाद! 

-----------------------------------------------------

सुन्दर गाउँ चारुओर हरियर बनुवा एक पाँजर परवटुवा उहे परबटुवक् उप्परओर बरे सुहावन बद्रि बिल्गाइट् । बद्रिक 

कोनिकप्चा ओरसे ठोर ठोर ओजरार केरनि छिरट् डेखाइट् । 

गाउँ बरे सुहाउन बिल्गाइट् घर फेन काइल लाल गज्जर टमाम मेरिक बिल्गाइट् । उहे गाउँक् गल्लिम एक बगाल नाच करुइया बिल्गैठैं । लहँगा फरियम नचुन्या संगे मडरिया सक्कुजे नाच करटि नेगल रठैं । कोइ लहँगा घल्ले रहट् टे कोइ उज्जर गोन्या चौबन्डि कुर्टा चोलिया म घेचम सुत्या माला गुरिया घालल् बरे सुहाउनसे नाच कर्ठैं । 

गित नाच मघौटा रहट् सजे पट्नि पाँके रठैं कोइ गलरट् टे कोइ टालि जाइट् । एकठो थारु घर रलक् मारे थारुनके बेल्सना चिज हेल्का डिल्या छट्रि हर जुवा । अस्टके कोइ मघौटा जाँर छाबठैं टे कोइ ढिकरि पारठैं कोइ डारु चुहैठैं । 

बाट हो भैइगैल भुवर बिहान मघौटा नाचक् भिडयो के । इ भिडियो मा ढिकरि बनाइक लाग चौरक् पिठा सानट् पारट् ओ उहजैना टरिका बरे मजासे हेरे मिलट् । बहुट जहन पटा नै रठिन थारुनके खानपिन बनैना टरिका इ भिडयो मे ढिकरि उहजैना पैन पानी ढिकैना बट्ला आगि सुगैना चुल्हा से लेके बान्सा कारना भिट्टर कोन्टिम बेल्सना डोक्नि मसला ढरना छिट्वा ढकिया चट्नि टिना खैना डोनिक झिंरा हेरे मिलट् ।

गोंडरि बिछाइल रहट् एक ओर नाच करठैं टे कोइ डोस्टि डोनियामे जाँर सुर्कठैं ओ सुरिक सिकार ढिकरिखैठैं । इ भिडियो म रुपया लुटाइट् फेन हेरे मिलट् । मैयाँ पिरेम से बाझल इ भिडियो मे अपन मनै से सिँगार लेहगा चोलिया गोनिया टिकुलि चुरिया कजरा जसिन चिज बजारसे लानडेहो  कना बाट बेल्सल पाजाइट । इ भिडयो मे मघौटा नाच कर्ना टरिका ओ बिडालेहट समके सक्कु चिज हेरे ओ सुने मिलट् । 

गिटमे स्वर डेले बटै राज कुसुम्या, गणेश चौधरी, बिना चौधरी ओ सरु चौधरी । अस्टके लय/शब्द/संगित फेन राज कुसुम्याके बटिन । 

भिडियो मजा बा जरुर हेरडेबि । भिडियो के लिंक टरे डेगैलबा । धन्यवाद!

भिडियो लिंक: 

https://youtu.be/80Bwnj7i8eg?si=AFFsWmHiMkxDJx1z