माघ लहानके रोज || Magha lahanke roj

"अस्टके गाउँमे मघौटा नाच सुरु होजाइट् लहँगा फरिया उरैटि नचुनियन नच्ठैं टे मडरियन उलर उलर मडरा बजैठैं । गाउँक् लग्लि घर अंगना चैनारे रहट् । "

जारक सिजन आगि बरल रहट् पुर्खा ओ जवान आगिक् गिन्वार बैठल ठोपरि बजैठ ओ हँस्ठ लागट कौनो गिट हाइटैं जसिन । अस्टके भुवर बिहान हुइट्ओ कुहिरा लागल रहट् गाउँ डेखाइट् छेग्रि भेंरि डेखा परठैं गाउँक् मनै घरेमसे निकरट् डेख्परठैं ओ लडियामे डुब्कि मारट डेख्परठैं । लहाके चउरक् उज्जर टीका लगाइट डेख्जाइट् सेवा ढोग लग्ठैं गाउँक् बठिन्यन डग्रिम कल्सा टुल्सा लोट्या ढारके डग्गर छेक्ले रठैं ।  लहाके अवोइन अपन मन परल टुल्सा, लोटम् रुप्या डारके जैठैं । 

अस्टके गाउँमे मघौटा नाच सुरु होजाइट् लहँगा फरिया उरैटि नचुनियन नच्ठैं टे मडरियन उलर उलर मडरा बजैठैं । गाउँक् लग्लि घर अंगना चैनारे रहट् । 

बाट हो मघौटा भिडियो के जोन युट्युब म सार्वजनिक् हुइल बा । माघ लहैली नाउँक् मघौटा नाचक् भिडियो म ढुमरु गाके माघ लहैलक् अपनसे बरा मनैनसे आशिर्वाद लेहल गित ओ भिडियो म डेखाइल बा । जोन बरस म एकचो किल अइना थारुनके सबसे बर्का टिह्वार । माघक् पहिला बिहान गंगामे लगाके अपन पापसे शुद्ध हुइटि पस्चाताप कर्टि एकठो लावा जिवनके सुरुवाट कर्टि डाइ बाबा पुर्खा ओइनसे आशिर्वाद! लेना ओ अपनसे छोट् मनैन आशिर्वाद! डेना करल पाजाइट् । एकठो खुशि, राहरंगि, सान्टि से सुरु हुइना माघ टिह्वार थरुनके गाउँ घर अंगना चैनार चम्पन हुइल रहाट् । 

मनै जिन्गिम डुख असान्ती चिन्ता फिक्रि जरुर रहट् टर सब कुछ एकरोजके लाग बिस्राके रमैना करठैं थारुनके बस्टिमे । इ गित नाच थारुनके पुराने पहिरन भासा संस्कृटि से रहट् जोन नाच, गित ओ रहान अपन अपन सिजन ओ तिह्वारमे फरक फरक रठिस । अस्टके इ मघौटा नाचेम माघ टिह्वार मनैना ओ करजिना कामक् बरेम गित बानइल रहट् । 

इ गित भिडियो म अपन रिटि संस्कृटि थारुनके खानपिन बेल्सल डेखजाइट् । अंगनम गोंडरि बिछाके डिनि पट्रिम पटियामे ढिकरि, सिकार, जाँर पिअट् डेखजाइट् । इ मघौटा नाचसे हमार थारुनके नाच ओ पहिरन कटरा सुहावन ओ मुल्यवान बा कहिके अलपटरे जनाइट् । 

हमार गित नाच भास रहान पहिरन ओ नाचेम बेल्सना मनडरा कस्टार मजिरा सक्कु हमार पहिचान हो अपन पहिचान हेराई नै डेना हमार सक्कुहुनमे जिम्मेवारी जरुरि बा । 

गित भिडियो मजा बा । एकचो जरुर झक्याके हेरडेबि ओ गित ओनाडेबि । भिडियो के लिंक टरे डेगैल बा । धन्यवाद!

भिडियो लिंक:

---------------------------------------------------------------

जारक सिजन आगि बरल रहट् पुर्खा ओ जवान आगिक् गिन्वार बैठल ठोपरि बजैठ ओ हँस्ठ लागट कौनो गिट हाइटैं जसिन । अस्टके भुवर बिहान हुइट्ओ कुहिरा लागल रहट् गाउँ डेखाइट् छेग्रि भेंरि डेखा परठैं गाउँक् मनै घरेमसे निकरट् डेख्परठैं ओ लडियामे डुब्कि मारट डेख्परठैं । लहाके चउरक् उज्जर टीका लगाइट डेख्जाइट् सेवा ढोग लग्ठैं गाउँक् बठिन्यन डग्रिम कल्सा टुल्सा लोट्या ढारके डग्गर छेक्ले रठैं ।  लहाके अवोइन अपन मन परल टुल्सा, लोटम् रुप्या डारके जैठैं । 

अस्टके गाउँमे मघौटा नाच सुरु होजाइट् लहँगा फरिया उरैटि नचुनियन नच्ठैं टे मडरियन उलर उलर मडरा बजैठैं । गाउँक् लग्लि घर अंगना चैनारे रहट् । 

बाट हो मघौटा भिडियो के जोन युट्युब म सार्वजनिक् हुइल बा । माघ लहैली नाउँक् मघौटा नाचक् भिडियो म ढुमरु गाके माघ लहैलक् अपनसे बरा मनैनसे आशिर्वाद लेहल गित ओ भिडियो म डेखाइल बा । जोन बरस म एकचो किल अइना थारुनके सबसे बर्का टिह्वार । माघक् पहिला बिहान गंगामे लगाके अपन पापसे शुद्ध हुइटि पस्चाताप कर्टि एकठो लावा जिवनके सुरुवाट कर्टि डाइ बाबा पुर्खा ओइनसे आशिर्वाद! लेना ओ अपनसे छोट् मनैन आशिर्वाद! डेना करल पाजाइट् । एकठो खुशि, राहरंगि, सान्टि से सुरु हुइना माघ टिह्वार थरुनके गाउँ घर अंगना चैनार चम्पन हुइल रहाट् । 

मनै जिन्गिम डुख असान्ती चिन्ता फिक्रि जरुर रहट् टर सब कुछ एकरोजके लाग बिस्राके रमैना करठैं थारुनके बस्टिमे । इ गित नाच थारुनके पुराने पहिरन भासा संस्कृटि से रहट् जोन नाच, गित ओ रहान अपन अपन सिजन ओ तिह्वारमे फरक फरक रठिस । अस्टके इ मघौटा नाचेम माघ टिह्वार मनैना ओ करजिना कामक् बरेम गित बानइल रहट् । 

इ गित भिडियो म अपन रिटि संस्कृटि थारुनके खानपिन बेल्सल डेखजाइट् । अंगनम गोंडरि बिछाके डिनि पट्रिम पटियामे ढिकरि, सिकार, जाँर पिअट् डेखजाइट् । इ मघौटा नाचसे हमार थारुनके नाच ओ पहिरन कटरा सुहावन ओ मुल्यवान बा कहिके अलपटरे जनाइट् । 

हमार गित नाच भास रहान पहिरन ओ नाचेम बेल्सना मनडरा कस्टार मजिरा सक्कु हमार पहिचान हो अपन पहिचान हेराई नै डेना हमार सक्कुहुनमे जिम्मेवारी जरुरि बा । 

गित भिडियो मजा बा । एकचो जरुर झक्याके हेरडेबि ओ गित ओनाडेबि । भिडियो के लिंक टरे डेगैल बा । धन्यवाद!

भिडियो लिंक:  https://youtu.be/I6kjpBKBU3E?si=1Ouo5fKunNvkf71t