पन्छि कराडेउ मिलन || Panchhi karadew milan

भिडियो इजराइलमे हमासके द्वारा कैगिल डरलग्टिक ओ दु:खड् घट्नासे सुरुहुइट् । एकठो लहासके बक्साके सामु डु जहन जन्नि मनैन रोइट् डरखाइट् साइड् अपन मनै रहल हुहिन । इजराइल मे बम बारुद पटकट्ना के संगे एहोर रुवाबासी हुइलक् डेखाइल बा । 

सि.एस फिल्मस युट्युब च्यानल म सार्वजनिक् हुइल इ पन्छि नाउँ डेगैल भिडियो म मुख्य भुमिका संगम थारु, समु चौधरी, अजय राना ओ समिता पछलडंग्या के बटिन । गितमे अवाज डेले बटै आर.के. थारु ओ अन्नु चौधरी । 

आप भिडियो परडेश के यात्रासे सुरुहुइट् अजय हे गारिम परडेस जाइट डेखाइट् बरे खुसिमे रमैटि एकओर समिताहे फेन खुसिले रमाइट् डेखाइट् । डुनुजे संगे रमैलक् हँस्लक बैठ्लक् याद के संगे अजय के परडेसमे रहके अपन मनैके याद करट् डेखाइट् ओ गित सुरुहुइट् दिल ढरके मोर, मन टरपेमोर.... । यहोर समिताके फेन उहे हाल रलक् डेखाइट् अपन घरक् गोभि टिना बारिम टिना किच्लैना हस कुडकट् नाचट् डेखाइट् । डुनु जने एक डोसरके मैयामे टरपट् डेखाइट् ओ पन्छि हे मिलन कराडे कना गितके शब्द बा । 

सुरु मे पन्छि कना कसिन भोडियो हुइ जसिन लागट् टर जब मैयाँ म एक डोसरके लाग टरपे लाग्जाइट टप अस्टे लागट् कि अगर मै पन्छि रटुँ उरके भेंट करे चलजैटुँ । ओहे मारे इ गित मे पन्छि के साहारा से मिलन हुइ खोजल शब्द बेल्सल बा । अजय हे बिडेसमे सुन्दर ठाउँ बारिम काम करट् डेखाइट् कलसे एहोर गाउँमे समिता हे अजयके यादमे कवाइल डेखाइट् । 

आप एहोर सुमु ओ संगम के जोरि फेन डेखाइट् संगे रलक् खाना खाइट् । इ डुइ के हाल फेन उहे रठिन ओहोर खाना खाइबर संगम अपन मनै समुहे सम्झठैं संगे रमैलक् खेल्लक् गाउँ घरक् सम्झना मे डुबल रठैं । अजय ओ संगम हे डुनुजहन परडेस मे रहल डेखाइट् ओ डुनुजहनके हाल उहे रठिन । एहोर गाउँमे डुनु हजनके गोसिन्यनहे अपन गोस्याके लाग बर्सो से टरपल् डेखाइट् अपन सखि सहेलिन संग अपन मनक बाट करल डेखाइट् । एक ओर परडेस मे एक ओर गाउँमे खेलल् हाँसल भिडियो मे डेखाइल बा । भिडियो मे सुन्दर वारि खेट्वा टिना टावन रब्बि बाली लाहि गहुँ गन्ना ओ थारु घर डुवार हेरे मिलट् । इ भिडियो मे थारु गाउँ घर डुवार रहन सहन पहिरन संस्कृटि हे बरे मजासे डेखागैल बा । अजकल ढेर जसिन भिडियो मे थारुनके संस्कृटि नाच छोक्रा ( मघौटा) झुम्रा सखिया जसिन गिट नाच डारल बिल्गाट् अस्टके इ भिडियो मे फेन डेखाइल बा । 

बहुट् साल पाछे डुनु जहनके घरे अइना टयारी रठिन एहोर गोस्या आइटै कना बाट से खुसि रठैं डुनु टर्नि । अचानक् उहे बेला इजराइलमे डरलग्टिक बिस्पोटक् हमासके हमला हुइलक् ओहे भयानक् हमलामे दस नेपाली के मृत्यु हुइलक् समाचार मिडिया भर छच्छागैल । सत्या घट्ना मे अधारिट् इ भिडियो उहे घट्ना ताजा बनाडेहट् । अपन बाल बच्चा, डाई बाबा, घर परिवार गोसिन्या के खुशि सुख्के लाग परडेस गैल मे बक्सम बंन्द होके अइलेसे केकेर मन नै टुटि केकेर आँखिसे   आँसक लडिया नै बहि, केकेर मन छिंग्रा-छिंग्रा नै हुइ । जेकर आसा सहरा से रबो उहे इ डुनुया से चलगैले से किहिहे बच्नास लागि । इ भिडियो डुख लग्टिग बा टर जिन्गिमे डुख सुख हाँसो रोडन मिलन बिछोड् सबकुछ बा जानके सक्कु हालट् मे जिए सेके परट् । लावा सोच लावा योजना बनाके औरे जहनके लाग हुइलेसे फेन जोए परट् कठैं । संसारमे हरट सम कुछ मजा काम करेपरट् कठैं । 

 शिक्षा रोजगार अवसर नै होके बाध्यतासे परदेश जाइ पर्ना । परदेश जाके कोइ डाइ बाबा सन्तान बिहिन हुइटैं टे कोइ बिढुवा टे कोइ अनाथ । अपने देशमे सबकुछ होए अपन परिवार बाल बच्छा योसिन्या योस्याहे छोरके परडेस हाइ ना परे कना सरकारके आँखी खुलाइ चालह इ भिडियो मे डेखागैल बा । 

भिडियो गित मजा बा । टरे लिंक डेगैल बा एक चो नाहि घरि घरि हेरडेबि । धन्यवाद!

भिडियो लिंक: https://youtu.be/47vVGfOkd3g?si=GBaHYTTPJ5Q2ruhM