बाहुनी छौँरी
मैयाँ कना चिज फेन कुछ चिज नै जानट ना डेखट सब कुछ सुग्घुर ओ मजा किल सोचट । कठै मैयाँ जिन्दगी हो सारा संसार मायामे रुकल बा । जहाँ माया ठाउँ ने भेटाइट उहाँ असान्ति, मार काट ओ मृटु राज कर्ले रहट । तर मनै इ चिजसे डुरे रहना चहठैं । हर कोइ मैयाँ दया साथ चाहट । साइड मनै जिन्गि यहे मारे मिलट । संसार मे जिअक लाग सब कुछ होके मैयाँ नै हो कलसे उ जिन्गि अचकच्रे हो ।
Video
.jpg "ढिकरि जसिन गोरहर बठिनिया || बाहुनी छौँरी || Bahuni Chhauri")
बाट आइट परिवार के परिवार कलक पहिला नम्मर मे जन्नी ओ ठरुवा इहे डुइ जहनसे एकठो सुन्दर परिवार बने पुगट । हर कोइके चाहना रहट अपन परिवार मजा खुशी बनैना । अपन बंस आघे बह्रैना, अपन सन्तान के अनहार हेर्ना कि कसिन जल्मि लर्का करिया गोहर ठुल डोगिल ढेंग छोट् । यह मारे जन्नि ठरुवा रोज्ना सुग्घर खोज्ना पह्रल ज्ञ्यानी चलाख ओ चालिबानी हेर्ना ओ छांटट् डेखजाइट् । असिन फेन डेखजाइट कि जहाँ मैया रहट उहाँ असिन चिज सब हटजाइट् । उ ठाउँमे ना जात हेरट ना कुछ चिजके भेडभाव करट मैयाँ सहनसिल रहट ओ दयालु रहट । ना डाह करट ना शेखी । मैयाँ हठि नै रहट ओ अपने बाटम जिड्डि नै करट सब चिजमे सहट पत्यार करट आशा करट स्थिर रहट् । उहे मारे मैयाँ जीवन हो ।
मनैनके जिन्गिम जब जीवन साथीके जरुरट परट टब कोइ मनैनहे मन परे लागट । उ बेला धनि गरिब जात कोइ फरक नैपरट । टर हमार यहाँ कोइ भेदभाव नै कर्ना नियम रलेसे फेन समाजमे अभिन भित्रे भित्रे जातभात धनिगरिब छुत्याइल बेल्गाइट जेकर कारन धेर जहनके जिन्दगिम भारि असर पुगर जैठिन यहाँ सम कि एक डोसरके ज्यान डेना फेन पाछे नै परठैं । असिन अवस्थामे लावा जोरिया चुप्पे चुप्पे अपन मनै से रमैना कोसिस करल रठैं । सब कुछ पटा होके कि घरक मनै ओ समाज के नजरसे नुकके एकठो बाच करलेठैं एक डोसरहे साथ डेहक् लाग जिन्गिक संघरिया के लाग । तर बहुट जहनके जोरिया सफल हुइ नै सेक्ठिन कारण केक्रो उमेर नै पुगल रठिन टे केकरो जातभाट नैमिलल कैके टे केकरो सग्गे नाट परलक कारण टे केकरो गारिबि कारण टे केकरो अमेलके कारण असिन जोरिया हे छुटेना ओ अंछोरके लन्ना करठैं । टर मनैनके जिग्गि एक्के नास नै रहट टरे उप्पर हुइटि रहट । मजा बनाइ चहलेसे सब कुछ मजा बने सेकट एकर लाग उहिहे मजा कुछ कर्ना मौका डेहे परट हौसला ओ डगर डेखाइ परट । टब जाके उ हमार सोचल ओ चाहल जसिन मनै बने सेकट ओ करे सेकट् । मनैनहे हिओइना ओकर कमजोरि हे लेके उहि गिरैना काम नै करे परट जेकर कारण कोइ दिन अप्ने लाजमे परेपरट् काहेकि उ मनैया बहुट उप्पर पुसेकल रहट ।
कुछ अस्टे कथा समेटके बाहुनि छौरी कना म्युजिक भिडियो युट्युबमे आसेकल बा । चर्चित गायक तथा मोडल डोसहरण चौधरीके शब्द संगित रहल स्वार फेन उहाँके ओ सोनु कुश्मिके रहल बा । भिडियो मुख्य भुमिका फेन डिसहरण के ओ सिरु चौधरी के ।
गित भिडियो एकठो थारु लौन्डा ओ बाहुनके छाइक मैयाँ पिरेम के बारेम सिर्जल बा । थारु लौन्डा हे बाहुनी लौन्डि प्यार हुइलक उहिसे हँलक खेल्लक ओ अपम जीवन जोरिया बनाइक लाग बराट लेके अइना ओ डुल्हिहे डोलिम उठाके लैजिना बाट चल्ठिन ।
भिडियो सुरुहुइट लौन्डिहे मन्दिरमे पुजा करेजाइट डेखाइटट ओहे मौका मे थारु लौन्डा पाछे परल डेखाइट । लौन्डि लौन्डि डुनुजे एकडोसर से मैयाँ करे लग्ठैं तर थारु रलक मारे मांगके भोज हुइनै सेक्ना कहिके उर्हरके जेना टर लौन्डि मांगके डोलिम बैठाके लैजिहो कठिन टर आखिरमे उर्हके जैहिपर्ना बाध्य हुईठिन ।
भिडियो मजा बा हेरक लाग तरे लिंक डेगैलबा ।
.jpg&description=ढिकरि जसिन गोरहर बठिनिया || बाहुनी छौँरी || Bahuni Chhauri){kind=link}
0 टिप्पणियाँ