मोहनी || mohani || हुँकार उ मैयाँ लगैना मुस्कान

मोहनी || mohani || हुँकार उ मैयाँ लगैना मुस्कान

VIDEO 

मोहनी रहिन हुकार नाउँ । जबसे उ मोर मे चप्टलिन उहे रोज से ना जाने महि का होगैल ना टो निन लागे ना सनज पर्ना एकडम हुकारे सुरटा अइटि रहना । जहोर जाउँ ओहरे हुँकारे छाँहि डेखे लग्नु । हुँकार उ मैयाँ लगैना मुस्कान, ठोर ठोर लजाके टिर्छि हेराइ मोर मनमे हलचल मचा डेना । कहोर कहोर गुडगुडाइ हस मनमे हुइना । हसिन लागे हुँकारे पिछा करटि रहुँ ओ हुँकार उ मैया लगैना चाल हेर्टि रहुँ । 

जबसे उ मोर मे लग्लिन हुँकार सब कुछ सुहावन डेखे लग्नु । हुँकार उ सिलसिलैना कपारिक भुट्ला कजरार जिउगर आँखि माटिले घोट्लाइल हस नाँक, पाकल रसाइल बैर हस हुँकार ढेबर असिम लग्ना कि क्वापसे हबक लिउँ । 

मोहनी जट्टिके महि अपन मे सिमोट सेमोट सेकल रहिन हुँकार बिना सारा दुनिया फिक्कल लग्ना सुनसान लग्ना । असिन लग्ना कि चारु ओर कुहिरा परल बा हुकार किना अँढरिया राट परल हस लग्ना । मै सारा दुनिया भुला सेकल रहुँ । फुलक बगिया फेन हुँकार अागे मुरझुराइल लागे उ हँस्लेसे फुला फेन बरे सोहावन लग्ना हुाँकार उ मुस्कान के संगे फुला फेन फेँक्रे । हुँकार छुहाइसे महि असिन लागे स्वर्ग पुग्गिल बाटु जिन्गि टे मोर बा कहुँ । 

ना खैना पटा ना सुट्ना । केवल हुँकार सुर्टा मे रात दिन कटेहस करे । कसिन हुहिन उ !  कहाँ हुहिन ! कसिन हुहिन ! भुेटुँ भेटुँ किल लग्ना । एक लजर डेख्लेसे जिउ पाइल हस लग्ना, एक चो छुलेसे शक्ति पाइल हस लग्ना । दुनिया से  कौनौ मट्लब नै रगिल रहे । टर दुनिया हुँकार कारन सुन्दर लागे । उ होके राट ओ दिन फेन छोट लागे तर हुँकार बिना सब कुछ लम्गा लागे । 

बाट उहे मोहनी लगैना गित के हो । अार के थारुके गित संगितमे अवाज डेले बटै अार के अपनहि ओ सोनु कुस्मि/आनुमा चौधरी । भिडियो मे मुख्य भुमिका नरेश ओ  मधु के डेखागैल बा । उहे मोहनी सारा दुनिया ओम्नेहे समाइल बा । सब जे रमाइटैं खेल्टैं जिअल बटैं  एक डोसर हे पाइक लाग टरपल बटैं । असिन लागट मोहनी बिना जिन्गि बन्जर जस्टे रहट एकठो पटझर रुखुवा जस्टे, पानी सुखाइल टलुवा जस्टे । 

मैयाँ कना कत्रा सुहावन लागट हरकोइ इहे चिजके खोजी करट । मोहनी लगै इ गित भिडियो फेन हेरटि मजा लागट् । 

भिडियो लिंक: https://youtu.be/Hhsi6Njpi7o?si=DU8WLakTlp6fZdom