"बाट कर्नास मन लागल इहे २०८१ जेठ ३१ गते युट्युब हमार म्युजिक बगियामे सार्बजनिक हुइल छायाँ बनके मायाँ करबसु बोलके म्युजिक भिडियो के ...."
[भिडियो ओ बिज्ञापन फेेन हेर्बि]
जब मैयाँ बाझट टे असिन लागट कि हरपल संगेसंगे छाहिं बनके नेगु । हरपल साथ डिउँ हरकडम संगे रहुँ । सुख दुखमे संगेरहुँ । मायामे इ जिन्गि फेन बरे छोट लागे लागट असिन लागट फेनसे डोसर जुनि लिउ जस्टे ।
कठैं जिन्दगी एकठो लडिया जस्टै हो जोन बनुवा पखुवा चट्टान से टकरैटि अपन सुरमे बहट । असहेके जिन्गि फेन हो जहाँ बहुट मेरिक समस्या, बाधा, दु:ख, भुख प्यास, आँधी पानी, जार घाम से संघर्ष करके चल्टि रहट ।
[भिडियो ओ बिज्ञापन फेेन हेर्बि]
कठै जिन्दगी एकठो फुला जस्टै हो जोन सुन्दर कोपिला से सुरु हुइट फुलट फेकरट अपन सुनदर्तासे सब जहन मोहित कराइट, तर पल भरमे ओइलाइ लागट ओकर सुन्दर्ता हेराइ लागट ओ झर जाइट । असहेके जिन्दगी फेन एकठो सुन्दर बालकसे सुरु हुइट, सुन्दर जावानी आइट संसार रमाइट तर ढिरेढिरे गिन्दगी पाक जाइट ओ ढलजाइट ।
[भिडियो ओ बिज्ञापन फेेन हेर्बि]
कठै जिन्दगी सिटके बुँडा जस्टै हो जोन सुनौलौ बिहानिक संग मोटि जसिन चम्कट तर जसहेके घाम लागट ओसहेके सिट फेन घाकम टेजसे सुखजाइट । असहेके जिन्दगी फेन हुइट कबुकाल समाजमे मोटि जस्टे चम्कट तर उहे समाजके प्रहारसे जिन्दगी ओराजाइट ।
[भिडियो ओ बिज्ञापन फेेन हेर्बि]
कठै जिन्दगी मिलन विछोड हो , कबु मिलन हुइट कबु बिछोड । कबु रोइपरट टे कबु हाँसे परट । कबु हजारौ संघर्या बन्ठैं टेकबु सबजे छोरके डुर होजैठैं । कबु हजरौके माझेम रमैना हुइट टे कबु अकेली एकान्टमे आँसके बुँदा गिरैना पल फेन आइट । जिन्दगिम जिअक लाग केकरो ना केकरो साहारा जरुर चाहट, उत्साह चाहट, माया चाहट सुख दुखके भावना सांटक लाग एकठो संघर्या चाहट ।
[भिडियो ओ बिज्ञापन फेेन हेर्बि]
बाट कर्नास मन लागल इहे २०८१ जेठ ३१ गते युट्युब हमार म्युजिक बगियामे सार्बजनिक हुइल छायाँ बनके मायाँ करबसु बोलके म्युजिक भिडियो के कुछ द्रिस्य ओ गितके शब्द संगित के । इ म्युजिक भिडियो हेर्टि रहु लग्ना ओ सुन्टि रहुलग्ना मेरिक बा । गितके शब्द सुबेस कठरिया ओ मनोज महतो के बटिन कलसे स्वर डेलेटैं मनोज कठरिया ओ अनु चौधरी । असहेके भिडियो मुख्य भुमिका वीर चौधरी ओ सोयकक्षा महतो के बटिन ।
[भिडियो ओ बिज्ञापन फेेन हेर्बि]
भिडियो बरे मजाबा । बिज्ञापन ओ भिडियो जरुर हेर्बी ।
-संगम चौधरी
0 टिप्पणियाँ